اللهم من أراد بمصر و أهلها خيراً فوفقه الى كل خير ومن أراد بمصر و أهلها شراً فاجعل كيده فى نحره و تدبيره فى تدميره و أهلكه كما أهلكت عاداً وثمود.. آمين
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نقل حي مباشر للحياة الزوجية ... متجدد بإذن الله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
Admin
avatar

عدد المساهمات : 3908
تاريخ التسجيل : 27/02/2013
العمر : 26
الموقع : https://www.facebook.com/aljenral.tito?ref=tn_tnmn

مُساهمةموضوع: نقل حي مباشر للحياة الزوجية ... متجدد بإذن الله    الأربعاء أبريل 10, 2013 5:58 pm









بصو بقا انا هكتب الموضوع ده والى يحصل يحصل

احم احم

اى واحدة فينا قبل ما يجلها العريس الشطور بتكون عندها احلام وردية وخيالات حلوة والدنيا بمبى على راى سعاد حسنى

الأحلام الوردية وآه من الأحلام الوردية

واحنا بنات في بيوت اهالينا وفي فترة الخطوبة كمان بنعيش احلام وردية عن الحب والغرام والسعادة الزوجية وبنحلم بحياة بمبي في بمبي في بنك و روز

وبعد منكتب الكتاب ونعلي الجواب

وندخل عش الزوجية برجلينا اه والله برجلينا نكتشف ان الحياة مافيهاش لون بمبي خالص

وان دي خدعة من الست سعاد حسني

ايه اللون الغامق ده وايه الدخلة اللي مش ولا بد دي

لا يا حبيبتي انا مقصدش اخوفك او اصد نفسك عن الزواج لا سمح الله

انا عاوزة اوعيكي وافطمك على حاجة مهمة جدا

ان الحياة زوجية حب وغرام ورومانسية بس كمان مسئولية

ومسئولية كبيرة جدا ومهمة جدا ومستقبلك في الدنيا والاخرة بيتوقف على مدى تحملك للمسئولية دي

والموضوع ده محاولة بسيطة لنقل طبيعة الحياة الزوجية بحلوها ومرها ولذاذتها وطعامتها واحيانا شطتها لكل بينت مقبلة على الزواج وكل زوجة لسه في بداية حياتها

جايز تستفيد وانا اولكم بما انى لسه بنوتة وتقريبا الاخ العريس وقع فى بلاعة هههههههههههههههههههههههههههههههههههههههه

اتفضلو معانا




والفترة دى فترة التعارف الى بجد

انتهت فترة الخطوبة على خير الحمد لله

ودخلنا عش الزوجية

وبعد ما يخلص شهر العسل وتنتهي الزيارات والمباركات والمجاملات وتبدا الحياة الطبيعية تاخد مجراها

بيبدأ الزوجين يتعرفوا على بعض من اول وجديد

في فترة الخطوبة مكانوش شايفين غير كل حاجة حلوة في بعض

والردار بتاع كل واحد فيهم غالبا ما بيلقطش غير المميزات بس وبيركزوا على الحاجات المتفاهمين فيها بس

ده غير اصلا ان فترة الخطوبة بيبئى فيها تجمل كتير من الطرفين بقصد او بدون قصد

هي طبيعة المرحلة دي كده

لكن بئى لما يتقفل عليهم باب واحد بيبدأ كل واحد يكتشف حاجات عن التاني ما كنش واخد بالوا منها قبل كده

وتبدأ الاختلافات تظهر بئى

يعني مثلا يعني تكون هي بتعشق الرنجة والفسيخ وهو بينهوبينهم تار

وممكن يكون هو بيحب السبانخ وهي في قطيعة بينها وبين السبانخ

ممكن يكون هو بيحب ينام والدنياحواليه ظلمة كحل

وهي بتترعب من الظلمة ولازم يكون في وناسة شغالة

بس ياريت كل الاختلافات تبئى بالذاذة دي

بل تمتد هذه الاختلافات لتصرفات والتفكير كمان

يعني مثلا ممكن في تصرف تعمليه بتلقائية شديدة شايفاه عادي جدا وهو يضايق منه جدا جدا ويحوله لقضية امن قومي

او يتبسط منه جدا جدا ويبئى ناقص يعملك تمثال او يديكي نيشان وانتي شايفاه تصرف عادي جدا

والعكس ايضا صحيح

يبئى عامل عاملة سودا تخليكي تطقي من جنابك وهو شايفه تصرف عادي جدا جدا ومش مستاهل زعلك ده

او قال كلمة بسيطة جدا ممكن يكون هو نفسه مش واخد باله منها تخليكي طايرة من السعادة

وممكن تتناقشوا في موضوع من وجهة نظرك ان كلامك منطقي جدا وهو شايف ان كلامك لامعقول ولا مقبول

وممكن يكون هو شايف ان كلامه عاقل وموزون وانتي شايفاه انه قمة الجنون

وده شيء طبيعي جدا جدا جدا ومايخوفش

لسببين رتيسين

السبب الأولاني:انكم جايين من اسرتين مختلفتين في طريقة التربية وفي الافكار وفي طريقة المعيشة عموما وممكن من بيئتين مختلفتين بعادات مختلفة

يعني ممكن يكون واحد من البندر وواحد من البلد

واحد من بحري وواحد من قبلي وهكذا

والسبب التاني انه هو راجل وانتي ست

اه ما تستغربيش قوي كده

مش ربنا قال في كتابه الكريم ليس الذكر كالأنثى

وده مش تعظيم لطرف وتحقير لطرف تاني معاذ الله

وانما تقرير لحقيقة مهمة جدا ان فسيولوجية جسم الراجل و نفسيته وطريقة تفكيره مختلفة تماما عن فسيولوجية ونفسية وطريقة تفكير الست

سألتي نفسك مرة ليه غالبا الراجل بيسوق احسن من الست ؟

علشان الراجل رؤيته كليه بيشوف الصورة ككل اما الست فطبيعتها انها بتهتم بالتفاصيل جدا لكن ممكن الصورة الكلية تتوه منها شوية

خلي عربية كده مثلا معدية من جنبهم

كل اللي الراجل هياخد باله منه ان في عربية عدت من جنبهم مودي كذا

لكن هي بئى عربية موديل كذا ولون كذا واللي راكب فيها راجل ولا ست واحد لوحده ولا عيلة

وكل ميسر لما خلق له

وفي الاخر هم الاتنين بيكملوا بعض

وممكن في سبب ثالث للاختلاف ده وهو عدم التكافؤ وخصوصا التكافؤ في مستوى التعليم والثقافة

السؤال المهم بئى ازاي اخلي الاختلاف ده ما يقلبش لخلاف لا سمح الله




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-emam.ahlamontada.com
 
نقل حي مباشر للحياة الزوجية ... متجدد بإذن الله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الامام :: الأقسام الأسرية :: معاملة الازواج-
انتقل الى: